Ахсынньы 23 күнүттэн Саха сиригэр атыы-эргиэн кииннэригэр уонна сынньанар-аралдьытар дьиэлэргэ QR-куотунан киириини тохтоттулар. Маннык ыйаахха Саха сирин ил Дархана Айсен Николаев илии баттаабыт. Бу туһунан өрөспүүбүлкэ Ил Дарханын уонна бырабыыталыстыбатын пресс-сулууспата иһитиннэрэр. Маныаха сүрүн биричиинэнэн хамсык туруга тупса быһыытыйбыта буолар.
Маны таһынан, спортивно-маассабай тэрээһиннэргэ саала көрөөччүнэн 50% туолара көҥүллэммит. Бу иннинэ күрэхтэр көрөөччүтэ суох ыытылла сылдьыбыттар эбит. Оттон уопсастыбаннай аһылык тэрилтэлэригэр уонна банкыатынай саалаларга үлэ чааһын түүн бииргэ диэри уһаппыттар
Даҕатан этэр буоллахха, парикмахерскайдарга, спа-солуоннарга, фитнес-кулууптарга уонна тренажернай саалаларга эрдэ үөдүйэ сылдьыбыт хааччахтары тохтоппуттар. Ол эрээри, түүҥҥү кулууптар, караоке уонна аралдьытар тэрилтэлэр хааччахтара оннунан хааллылар.
