Киир

Киир

АЛРОСА саһархайдыҥы-бороҥ өҥнөөх, 91, 86 караат ыйааһыннаах саҥа алмааска Кындыкан диэн ааты иҥэрдэ. Кындыкан – икки үйэ анараа өттүгэр Үөһээ Дьааҥы таас хайаларын чугаһыгар олохтоох уоспа ыарыыттан имири эстибит аҕа ууһуттан чороҥ соҕотох хаалбыт кырачаан кыыс туһунан эбээн үһүйээнигэр кэпсэнэр дьоруой.

Кындыкан – модун уонна булгуруйбат санаа уонна хоту сир аҕыйах ахсааннаах омуктары сиимбэлэ буолар. Бу үһүйээҥҥэ олоҕуран, Кындыкаан бырайыак толкуйдаммыта. Сыала-соруга – аан дойду уопсастыбаннаһын улахан болҕомтотун аҕыйах ахсааннаах омуктар кыһалҕаларыгар, үйэлэр тухары илдьэ кэлбит үтүө үгэстэригэр, култуураларыгар тардыы.

Алмаас чопчу кээмэйэ –25х16х22 мм. Күн тааһын 2021 сыллаахха АЛРОСА хос-тэрилтэтэ “Анаабыр алмаастара” үлэлиир бытархай алмаастаах учаастагыттан булбуттар. Оттон ити сир хоту сир олохтоох төрүт омуктара үйэ-саас тухары төбүрүөннээн олорор сирдэрэ. Ол эбэтэр, Өлөөн улууһуттан көстүбүт.

АЛРОСА аан бастаан 2021 сыл балаҕан ыйыгар “Кындыкан” бырайыагы өйүүрүн биллэрбитэ. Бу түгэн – алмаас хампааньатын Саха сирин төрүт олохтоох аҕыйах ахсааннаах омуктарын историческай сыаннаһын үйэтитиигэ биир уочараттаах бэлиэ хардыыта. АЛРОСА хампаанньа хара тэриллиэҕиттэн олохтоох омуктар олохторугар көхтөөхтүк кыттар. Табаһыт, балыксыт аҕа уустарыгар көмөлөһөр. Кинилэргэ идэ ылалларыгар көмөлөһөн, үлэнэн хаачыйар. Олохторо-дьаһахтара тупсарыгар көмөлөһөр. Сыллата табаһыттар бырааһынньыктарын ыытыһар. Чиэски, суола-ииһэ суох сирдэргэ үлэлээччилэргэ, олорооччуларга ас-үөл тиэрдэр.  «АЛРОСА саҥа көстүбүт алмаастаргы аат биэрэр үтүө үгэстээх. Бу сырыыга биһиги уһук хоту сиргэ көстүбүт алмааска эбээн хорсун кыысчаана Кындыкан уонна хоту сир олохтоохторун санаатын тиэрдэргэ үлэлиир бырайыак аатын биэрэргэ быһаардыбыт.  АЛРОСА өрүү даҕаны кинилэр хорсун-хоодуот санааларын, күүстээх майгыларын үрдүктүк сыаналыыр, ону тэҥэ үйэлэр тухары илдьэ кэлбит баай историяларыттан сөҕөр-махтайар. Биһиги уопсай сорукпут – итини барытын кэлэр көлүөнэҕ дьоҥҥо үйэтитии уонна хотугу омуктар сүдү историяларын аан дойдуга иһитиннэрии, биллэрии”, -- диир АЛРОСА генеральнай дириэктэрин солбуйааччы  Евгений Агуреев.

Ыспыраапка:

АЛРОСА Саха сирин төрүт олохтоох аҕыйах ахсааннаах омуктарын күүскэ өйүүр. Хампаанньа судаарыстыба, биисинэс интэриэһин уонна төрүт олохтоох омуктар интэриэстэрин тэҥинэн тутарга дьулуһар. Ол курдук, аҕыйах ахсааннаах омуктар олохторун таһыма тупсарга,  олорор сирдэрин-уоттарын социальнай-экэнэмиичэскэй өттүнэн сайыннарарга, төрүт култуураларын үйэтитиигэ үлэлэһэр. Бу барыта DiamondsThatCare көҕүлээһининэн барар. Ол чэрчитинэн, хампаанньа киллэриммит үбүн 8 бырыһыанын түстэнэн үлэлиир эрэгийиэнин социальнай уонна экология бырайыактарыгар ыытар.  

Хампаанньа Саха сирин 9 алмаастаах түөлбэтин үбүлүүр. Хотугу олойуоннар олохтоохторун өйүүргэ ураты болҕомтотун уурар, тыа хаһаайыстыбатын уонна төрүт дьарыгы өйүүр, социальнай тэрээһиннэри үбүлүүр, манан хампаанньа эрэгийиэн сайдыытыгар бэлиэ кылааты киллэрсэр.

АЛРОСА Саха сирин төрүт олохтоох аҕыйах ахсааннаах омуктарын төрүт култуураларын уонна үгэстэрин киэҥник тарҕатыыга кыттар. Хампаанньа култуура, успуорт хайысхалаах бэйэтин аннынан үлэлэтэр тэрилтэлэригэр саха уус-уран айымньытын 13 кэлэктиибэ баар. Онно 200-тэн тахса киһи дьарыктанар.  Хампаанньа ону таһынан национальнай бырааһынньыктары, хоту сир омуктарын тылларын-өстөрүн, үгэстэрин уонна сиэрдэрин-туомнарын тарҕатыыга эмиэ кыттар. Ол курдук,  “Анаабыр алмаастара” тэрилтэтэ 2020 сыллаахха Хоту сир төрүт олохтоох омуктарын тылларын уонна үгэстэрин үйэтитиигэ үлэлиир интэриниэт-порталын оҥорууга кыттан турар. 

Тарҕат:

Санааҕын суруй