"Якутоптторг" пресс-сулууспата иһитиннэрэринэн, Өлөөн улууһугар кыһыҥҥы айан суолунан маҥнайгы бородуукталаах массыына кэллэ. Уопсайа, улууска уон туонна аһылык кэллэ, ол иһигэр оҕуруот аһа уонна фрукта.
"Якутоптторг" дириэктэрэ Николай Алексеев тиэрдэринэн: "Бүгүҥҥү күннээххэ Арктика оройуоннарыгар уонна хотугу улуустарга таһаҕаһы кэмигэр уонна үчүгэй хаачыстыбалаах тиэрдии сыала-соруга турар. Хоту улуустарга авиациянан уонна сиринэн барыта 95 туоннаттан тахса бородуукта тиксэрилиннэ".
Өрөспүүбүлүкэҕэ кыһыҥҥы айан суолунан таһаҕас тиэйиитэ ахсынньы 20 күнүттэн саҕаламмыта. 2022 сыл муус устар бүтэһигэр диэри сиринэн 7,6 тыһ. тахса туонна таһаҕас тиэйиллиэхтээҕэ былааннанар.
