Саха сирин суһал ыстаабын киинэ иһитиннэрэринэн, тохсунньу 3 күнүнээҕи туругунан, өрөспүүбүлүкэбитигэр эбии 96 саҥа хоруона вируһунан ыалдьыбыт киһи баара билиннэ:
- Дьокуускайга – 23,
- Нерюнгрига – 14,
- Алдаҥҥа – 13,
- Орто Халыма оройуонугар — 10,
- Мэҥэ-Хаҥалас, Мииринэй оройуоннарыгар — 8-тыы,
- Амма, Өлүөхүмэ улуустарыгар – 4-түү,
- Үөһээ Дьааҥы, Хаҥалас, Ньурба улуустарыгар – 2-лии,
- Горнай, Өлөөн, Уус Майда улуустарыгар – 1-дии.
Суукка иһигэр өрөспүүбүлүкэ лабаратыарыйаларыгар 272 хоруона вируһун булууга чинчийии буолбут. Хамсык саҕаланыаҕыттан 1 810 170 тиэст оҥоһуллубут.