Алта уон килэмиэтиртэн үөһэ түргэнник көтүтэр уонна утары суолга тахсар суоппардары, мантан инньэ холуобунай эппиэтинэскэ тардар буолуохтара.
Арассыыйа бэрэсидьиэнэ илии баттаабыт саҥа сокуона тохсунньу 10 күнүттэн олоххо киирдэ. Бу сокуон рецидивист-суоппардары, ол эбэтэр бу иннинэ суоппардыыр бырааптара быстан административнай буруйдааһыҥҥа түбэспит дьону таарыйыаҕа.. Саҥа сокуонунан буруйдаахтарга 200-тэн 300 тыһ. тиийэ ыстараап эбэтэр икки сыл көҥүлү быһыы суоһуур. Хаттаан хатылаатахтарына - үс сылга тиийэ көҥүлү быһыы. Оттон ыстараап 300-500 тыһ. тиийэ үрдүөн сөп.
Ону таһынан, саҥа сокуон санкцияларынан, быраабыланы кэһээччи алта сылга диэри ханнык эмит дуоһунаһы баһылыыра бобуллар эбэтэр кыһалаҥ үлэҕэ ананар.
Сокуон биир чэпчэтиилээх, суол хаамыраларын устууларыгар бу накаастабыл тарҕаммат.
