Федеральнай медико-биологическай эгиэнистибэ пресс-сулууспата тиэрдэринэн, Роздравнадзор Арассыыйаҕа бастакынан оҥоһуллубут омикрон-штаммын быһаарар тест-систиэмэни бигэргэттэ.
Биэдэмистибэ чопчулуурунан: "Реаген Арассыыйатааҕы ФМБА салайаачыта В.И Скворцова соругунан оҥоһулунна, ыарыыны түргэнник чинчийэн быһаарарга ананна".
Тест ыарыыны 1,5 чаас иһигэр суһаллык быһаарар. Коронавирус дьаҥа икки көрүҥүн - "дельтаны" уонна "омикрону" көрдөрөр.
Н.Ф. Гамалеи аатынан Эпидемияны уонна микробиологияны чинчийэр Национальнай киин салайааччытын солбуйааччыта Денис Логунов сабаҕалааһынынан, омикрон-штаммынан ыарыы долгуна Арассыыйаҕа олунньу саҥатыгар таарыйыан сөп.
Омикрон-штамм саҕаламмыт дойдулара, ЮАР уонна Аангылыйа тиэрдэллэринэн, ыарахан түбэлтэлэр онно үс төгүл кыччаабыттар.
Хамсыгы утары быһыыны ылыы баар этэ уонна инникитин даҕаны уодааһыннаах ыарыыттан соҕотох көмүскэлинэн хаалыаҕа. Арассыыйатааҕы Доруобуйа Харыстабылын миниистирэ Михаил Мурашко бэлиэтииринэн, ыалдьыбыт дьон ахсааныгар быһыыны ылбыт дьон 4 % ылаллар, оттон ыарыһахтар улахан аҥаардара барыта - быһыыны ылбатах дьон.
