РКЦ – хоммунаалынай өҥөлөр иһин төлөһөр сирбит. Аҕыйах сыллааҕыта, РКЦ, Комсомольскай уулуссаҕа икки этээстээх мас дьиэҕэ баара. Онтубут паспортист хоһун уонна юридическай отделы кытары биир дьиэҕэ баар буолан абыраллаах этэ.
Мииринэйгэ хоммунаалынай салааҕа уларытыылар киллэриллэн, РКЦ Ленин 10 уулуссатыгар, таас дьиэҕэ көспүтэ. Оттон Саҥа Дьыл иннинэ, РКЦ эмиэ атын сиргэ көһө охсубутун биллибит. №1-дээх ЖЭУ дьиэтигэр, эргэ, мас дьиэҕэ соторутааҕыта көспүттэр. Кып-кыараҕас сиргэ балачча өр уочараттаан операционнай саалаҕа киирэбит.
Муҥ сатаатар олорор ыскаамыйа, устуул кэмчи. Оҕонньоттор, эмээхситтэр, инбэлииттэр кыбартыырабыт иһин төлүөхпүт этэ диэн быыкайкаан киирии хоско соҥуоран тураллар. Эгэ, “социальнай дистанция” диэн кэлиэ дуо?! Суох. Манна ким хайдах таптыырынан сылдьар эбит. Ол курдук, ковидтан харыстанар мааската суох сылдьааччылар элбэхтэр. Дьэ уонна вирус обургуну илдьэ сылдьааччы көтөн түстэҕинэ тугу да гынар кыаҕыҥ суох. QR-куод, прививкаларга сертификат диэннэрин манна бэрэбиэркэлээбэттэр. Маннык кыараҕас сиргэ тоҕо кэлбиттэрин сураһааччы да сөбүлээбэтин биллэрээччи да көстүбэт. Дьон ончу саҥарбаттар.
Бу хаартыскаҕа көстөр эргэ дьиэҕэ куорат бары уһугуттан кэлэн хоммунаалкаларын төлүүллэр. Дьон этэринэн, манна РКЦ-лар букатыннаахтык үлэлии кэлбиттэр. Оттон пааспарбыт хоһо куорат түгэҕэр - Аммосов №16-дээх дьиэтигэр, УФМС-ка көспүт. Хайдах эрэ хобдох баҕайы.
Станислав Алексеев. Мииринэй куората.
