Куонкурс балаһыанньата
“Саха сатаабата суох”
“Байдам” сурунаал Саха сирин рационализатордарын, уустарын, араас идэлээх маастардарын, мындыр толкуйдаах дьонун бастыҥ уопуттарын (лайфхактарын) киэҥ араҥаҕа хомуйан тиэрдэр туһуттан, “Саха сатаабата суох” диэн туһалаах сүбэ-ама, бастыҥ уопут өрөспүүбүлүкэтээҕи куонкурсу биллэрэр.
Куонкурс усулуобуйата
Кыттааччы тиэхиньикэҕэ, тутууга, дьиэҕэ-уокка, кэтэх хаһаайыстыбаҕа, оҕуруокка бэйэтэ туттар туһалаах сүбэтин, тус уопутун эбэтэр айан оҥорбут оҥоһугун туһунан сиһилии суруйан, кыаллар буоллаҕына, өссө эбии ойуулаан, хаартыскалаан Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска ыытар.
Кыттааччыга сааһынан хааччах суох.
Сүрүн ирдэбил – кыттааччы суруйуутун ааҕыллымтыа буочарынан суруйан баран сканердаан эбэтэр көмпүүтэргэ бэчээттээн ыытыахтаах.
Суруйуу кээмэйигэр кытаанах хааччах суох. Ол эрээри олус уһун буолуо суохтаах.
Хаартыска, ойуу ахсааныгар хааччах суох. Ол эрээри кинилэр сүбэлээх суруйуу ис хоһоонун толору арыйар буолуохтаахтар. Суруйуу бэчээттэнэр түгэнигэр, үрдүк хаачыстыбалаах эрэ ойуулар эбэтэр хаартыскалар эрэдээксийэ көрүүтүнэн туһаныллыахтара.
Кыттааччы суруйуутун анныгар толору аатын-суолун, олорор аадырыһын, төлөпүөнүн нүөмэрин ыйара булгуччулаах.
Үлэлэри 2022 сыл тохсунньу 13 күнүттэн олунньу 13 күнүгэр диэри хомуйабыт. Түмүк олунньу 23 күнүгэр – “Аҕа дойдуну көмүскээччилэр” күннэригэр – @baydam_news инстаграм сирэйгэ тахсыаҕа.
Үс бастыҥ кыттааччы сыаналаах бириистэринэн бэлиэтэниэхтэрэ. Маны таһынан, кэрэхсэбиллээх сүбэлээх кыттааччыларга анал биһирэбил бириистэр олохтонуохтара. Бары кыттааччылар өрөспүүбүлүкэтээҕи күрэс туоһу суруктарын тутуохтара.
Бастыҥ үлэлэр “Байдам” сурунаал эрэдээксийэтин көрүүтүнэн сурунаалга бэчээттэниэхтэрэ.
Тэрийэр хамыыһыйа.
