Киир

Киир

Кыым бу сыллаах № 1 (25550) нүөмэригэр (13.01.2022) ыҥырыы таҕыста: 

   Тыйыс айылҕалаах Сахабыт сирин олохтоохторо! 

Айыы дьиэтин тутуутугар кыттыһыҥ!
Биллэрин курдук, көхтөөх омук өлөн охтон биэрбэт. Тыллаах өстөөх, уостан уоска илдьэ сылдьар уос номоҕо Олоҥхо курдук сүдү айымньылаах омук тутайбат! Саха омук былыр былыргыттан тыйыс дойдуну баһылаабыт биир төрүөтэ – кини Итэҕэлэ. Итэҕэл киһиэхэ эрэли үөскэтэр, ис туругу күүһүрдэр, өйү-санааны сааһылыыр, уоскутар, чэпчэтэр, ыраастыыр, хайдахтаах да кыһалҕаны, тымныыны тулуйарга, мындыр буоларга тирэх буолар. 
Норуот илдьэ кэлбит баайа – төрүт Итэҕэлэ. Саха киһитэ итэҕэйэр Үрүҥ Аар Айыы Тойон Таҥараҕа, кини сүдү көстүүлэригэр – Үрдүк Айыыларга, Күҥҥэ, Ыйга, Баай Байанайга, Уот, Сир-Дойду, Алаһа дьиэ иччилэригэр. 
Омук күүһэ кини төрүт Итэҕэлигэр баар, онтон Итэҕэллээх омук - инникигэ эрэллээх!
 Биһиги, сахалар, төрүт түҥ былыргы Айыы Таҥара Итэҕэйэр түҥ былыргы итэҕэлбитин  араас учуонайдар өйөбүллэринэн-дакаастабылларынан дойду тэбэр сүрэҕэр, Москуба куоракка, Арассыыйа Юстицияҕа министерстибэтинэн бигэргэттэрэн, регистрациялатан, хаһыс да сылын үлэлии сылдьабыт. 
Саха норуотун Ытык сиригэр - Сайсары Эбэҕэ - Айыы Таҥара Итэҕэлин дьиэтин-уотун тутарга сир ылан, сырабытын биэрэн, санаабытын ууран үлэлии-хамсыы сылдьабыт. Үлэ бара турар: билим эспэртиисэтэ ыытыллар, кадаастыр инженернэй дьыала оҥоһуллар, бырайыак ситэриллэр, о.д.а. көрүҥнэргэ. 
 
Бу барыта бар дьоммутугар, кэнэҕэски ыччаттарбытыгар ананар. Киһи өбүгэлэрин остуоруйатын, Итэҕэлин билиэхтээх, ытыктыахтаах, историятын, төрүтүн, төрүт. Норуот күүһэ онно сытар, үйэттэн үйэҕэ салҕанар! 
Ыҥырабыт эһигини, бар дьоммутун, күүс көмө буоларгытыгар, үбүнэн-аһынан, ким туох кыахтааҕынан көмөлөһөргүтүгэр! Көмөлөспүттэр, өйөөбүттэр ааттара-суоллара тиһиллэн иһэр, барыта бэлиэтэнэр уонна Айыы Таҥара көмүс кинигэтигэр киирэр. 
Норуот күүһэ - көмүөл күүһэ! 
 
Көмөнү маннык аадырыска ыытыахха сөп:
Получатель: Местная религиозная организация «Айыы Тангара итэгэлэ (Вера в Айыы Тангара (Тенгри))»
ИНН 1435341520
ОГРН 1191447005749
Расчётный счёт 40703810877700000554
Банк получателя: ОАО «Акционерный коммерческий банк содействия коммерции и бизнесу» (ОАО «СКБ-банк»)
БИК 046577743
Корреспондентский счёт 30101810965770000743
Назначение платежа: Пожертвование на строительство Айыы дьиэтэ 
 
Эбэтэр мобильнай бааҥҥа маннык нүөмэргэ +79143005983
Тарҕат:

Санааҕын суруй