Уоппускаларыгар тас дойдуга сылдьыбыт дьон, ОМС лииньийэтинэн, куорат чааһынай килииникэлэригэр суһал-тест ааһар буолуохтара.
Өрөспүүбүлүкэтээҕи Суһал ыстаап брифинигэр, Саха сирин вице-премьера Ольга Балабкина биллэрбитинэн, чааһынай килииникэлэр тас дойдуттан кэлбит дьону буор-босхо суһал-тиэст оҥорор эбээһинэстэннилэр. Вице премьер бэлиэтээн этэринэн, маннык миэрэ куорат балыыһаларыгар хамсыгы быһаарарга соруйуллубут ноҕуруускаларын чэпчэтэр туһуттан ылылынна.
Ону таһынан, тохсунньу 17 күнүттэн куорат олоҕун-дьаһаҕын хааччыйар тэрилтэлэр үлэһиттэрин коронавирус дьаҥынар бүттүүн чинчийии саҕаланна.
Суһал ыстаап тиэрдэринэн, тохсунньу 17 күннээҕи туругунан, Саха сиригэр хамсыгынан ыалдьыбыт дьон муҥутуур чыпчаал ахсаана – 405 киһиэхэ тиийдэ. Бу ахсаантан, хомойуох иһин үс гыммыт биирэ – оҕолор.
Бүгүҥҥ;ттэн, туох баар эбии үөрэхтээһин тэрилтэлэрэ ыраахтан олорон үөрэнии көрүҥэр көстүлэр. Оттон оскуолалар күнүскү үөрэхтэригэр хааллылар, туох баар саньытаарынай-мэдьиссиинэ ирдэбиллэрин толору тутуһан. Саҥа дьыллааҕы сынньалаҥ кэнниттэн, үөрэхтээһин бары тэрилтэлэрин үлэһиттэрэ доруобуйаларын чинчийиитин аастылар.
Вице-премьер Ольга Балабкина биллэрэринэн, ыарыы намыраабатаҕына, сотору кэминэн атыы-тутуу кииннэригэр QR куод систиэмэтэ хаттаан киирэрэ сабаҕаланар.
