Ньурба оройуонун ИДьМ Ньурбатааҕы ботурууллуур пост сулууспатын сотруднига, полиция сержана Лев Сивцев рядовой полиция үлэһиттэрин Сергей Семеновы уонна Гай Пахомовы кытта ботурууллуу сылдьан, Антоновка нэһилиэгэр хаарга сытар, эпилепсия бүрүүстүбэ киирбит дьахтары көрбүттэр. Бу туһунан, СӨ ИДьМ пресс-сулууспата иһитиннэрэр.
Полиция үлэһиттэрэ тута, ыалдьыбыт киһиэхэ быраас кэлиэр диэри суһал көмө оҥорбуттар. Онтон, аадырыһын ыйытан баран, дьиэтигэр илдьибиттэр уонна суһал көмөн биригээдэтин ыҥырбыттар. Бырааһы кэтэһэн баран, дьахтар чөлүгэр кэлбитин кэннэ, полиция үлэһиттэрэ салҕыы үлэлии барбыттар.
Дьахтар уонна кини чугас дьоно суһаллык көмө оҥорбут быраап бэрээдэгин үлэһиттэригэр махталларын биллэрбиттэр.
