Киир

Киир

Өрөспүүбүлүкэтээҕи Доруобуйа Харыстабылын министиэристибэтин пресс-сулууспата тиэрдэринэн, мэдиссиинэ тэрилтэлэрэ 12-лэриттэн 17-лэригэр диэри саастаах обургу оҕолорго хамсыгы утары быһыыны  биэрэргэ бэлэмнэнэллэр.

Иһитиннэриигэ бэлиэтэнэринэн,төрөппүт, эбэтэр оҕо сокуоннай бэрэстэбиитэлэ илии баттаан сөбүлэҥин биэрдэҕинэ, оҕолорго быһыы биэрии баҕа өттүнэн барыаҕа. Оттон 15-17 саастаах оҕолор сөбүлэҥнэригэр бэйэлэрэ илии баттыыр бырааптаахтар.

Обургу оҕолорго анаммыт "Спутник М" хамсыгы утары быһыы 2021 сылга сэтинньигэ бигэргэтиини ааспыта уонна национальнай быһыыны ылар халандаарга  2021 сылга ахсынньы ыйыттан киирбитэ.

Эрдэ бэлиэтэммитинэн, 12-титтэн 17-лэригэр диэри саастаах обургу оҕолорго хамсыгы утары быһыыны биэрии бу нэдиэлэттэн саҕаланыахтаах этэ. Ол эрээри, Саха сиригэр эмискэ омикрон-штамм көстөн, хааччахтыыр миэрэлэр 2022 сыл кулун тутар 1 күнүгэр диэр уһатыллыбыттара.

 

Тарҕат:

Санааҕын суруй

Бүтэһик сонуннар