Киир

Киир

2 

ӨРӨСПҮҮБҮЛҮКЭ АҔА БАҺЫЛЫГА АЙСЕН НИКОЛАЕВ 50 СААҺЫН КӨРСӨ

«Айсен Сергеевич Саха сирин төрүт олохтооҕо, улахан салайааччы буола үүнүөр диэри олоҕо, үлэтэ барыбыт харахпыт ортотугар ааспыта. Кини салайар кэмэ өрөспүүбүлүкэ, Арассыыйа, аан дойду да  экэниэмикэтин саамай ыарахан кэмнэригэр түбэстэ да, кини сымнаан, мөлтөөн биэрбэккэ, өссө тэтимирэн үлэлээн, олохпутун тутаппакка аҕалла» диэн санааттан суруналыыс Владимир Степанов бэйэтин дьоһуннаах суруйуутун саҕалыыр. Кини Саха сирин кэнники үс сыллааҕы сайдыытын хаамыытыгар олоҕуран, аҕа баһылык Айсен Николаев үлэтигэр-хамнаһыгар олохтоох сыанабылы биэрэр.  

МСУ РЕФОРМАТА КЫРА НЭҺИЛИЭКТЭРИ ЭҺИЭ ДУО?

Суруналыыс Нина Герасимова баһылыктары кытта ОБС (Олохтоох бэйэни салайыныы) саҥа сокуонун тула кэпсэтиини салгыы ыытар. Бу нүөмэргэ - Таатта улууһун Дьохсоҕон нэһилиэгин баһылыга Петр ЗАХАРОВ, Уус Алдан улууһа Өспөх нэһилиэгин баһылыга Лена СВЕШНИКОВА санааларын билсиҥ.

САҤА СЫЛГА ТЫА ХАҺААЙЫСТЫБАТЫН ХАННЫК ХАЙЫСХАЛАРЫН  ӨЙҮӨХТЭРЭЙ?

Быйыл табабыт, сахабыт ынаҕын дьылҕата хайдаҕый? Уһук Хоту сир олоҕун таһыма тупсуо дуо? Субсидия, субвенция тыа сирин олохтоохторун хайа араҥатыгар ананар? Онтон да атын кыһалҕалаах ыйытыыларга хоруйу  суруналыыс Татьяна Захарова бэлэмнээбит матырыйаалыттан булуоххут. Маны сэргэ кини социальнай чэпчэтиилэргэ, дьыала-куолу эйгэтигэр киирбит уларыйыыларга анаан туһалаах матырыйаал бэлэмнээтэ.

КЫРА-ХАРА ДЬОНУ БУРУЙДААН ТУГУ ТУҺАНАЛЛАР? 

Атырдьах ыйын 9 күнүгэр Чурапчы улууһугар Мэлдьэхси таһыгар буолбут баһаарга былдьаммыт Элбаги Игитян диэн Армения судаарыстыбатын гражданина уокка былдьаммыта. Итиннэ буруйга уорбаланааччынан Николай Лукин диэн ГАУ “Якутлесресурс” Чурапчытааҕы филиалын үлэһитэ, ойуур инженерэ Николай ЛУКИН буолбута. Бу дьыалаҕа бүтэһиктээх туочука туруорулла илик. Ону суруналыыс Нина Герасимованы кытта баһаарсыаҕыҥ.

ӨРӨСПҮҮБҮЛҮКЭ 100 СЫЛЫГАР ГТРК “САХА” АРААДЬЫЙАТА ИСТЭЭЧЧИЛЭРИН САҤА БЫРАЙЫАКТАРЫНАН ҮӨРДҮӨҔЭ

Араадьыйа билиҥҥитэ үс ыстаансыйалаах: Дьокуускайга 104,9  долгуҥҥа - “Радио России”, 87,5 долгуҥҥа - “Вести FM”, 89,7 долгуҥҥа – “Маяк”. Нерюнгриттан саҕалаан Орто Халымаҕа тиийэ 17 улуус киинин хабар. Салайааччы Иннокентий Киренскэй араадьыйа үлэтин уонна бу сылга олоххо киирэр саҥа биэриилэр тустарынан кэпсээтэ.

ЧЭПЧЭКИ АТЛЕТИКАҔА ӨРӨСПҮҮБҮЛҮКЭ ЧӨМПҮЙЭНЭЭТИН КЫАЙЫЫЛААХТАРА  

Тохсунньу 15-16 күннэригэр Дьокуускай “Триумф” успуорт комплексыгар чэпчэки атлетикаҕа өрөспүүбүлүкэ чөмпүйэнээтэ ыытылыбыта. «Уһуну ыстаныыга Мэҥэ Хаҥалас спортсмена Игорь Скрябин өрөспүүбүлүкэ рекордун олохтоото. 17 саастаах Дьокуускай спортсмена Айтал Ощепков эмиэ Саха сирин рекордун оҕуста. Сүүрүү сорох дистанцияларыгар кэккэ спортсменнар успуорт маастарыгар хандьыдаат нуорматынан сүүрэн кэллилэр. Ол туһунан чэпчэки атлетикаҕа Саха сирин сүүмэрдэммит хамаандатын сүрүн тириэньэрэ Василий СПИРИДОНОВ кэпсээтэ.

АҔА УУҺУНАН АРАХСЫЫ ҮТҮӨ ӨЙДӨБҮЛЭ уонна МӨКҮ ӨРҮТЭ

Манна Саха эстрадатын ырыаһыта, Томпо улууһун Үөгэн бөһүөлэгиттэн төрүттээх Гаврил ТОЛБОНОВ, Уус- Алдан улууһун Бээди бөһүөлэгиттэн төрүттээх Уйбаан Сивцев – БЭЭДИ, Уус Алдан улууһун Курбуһах нэһилиэгиттэн төрүттээх Афанасий КОПЫРИН, Нам улууһуттан төрүттээх Михаил МЕСТНИКОВ туох көрүүлээхтэрий? Кинилэри кытта суруналыыс Чаҕыл кэпсэттэ.

КҮННЭЭХ ГРУЗИЯНЫ ӨҤӨЙӨН КӨРҮӨХХҮТҮН БАҔАРАҔЫТ ДУО?

2022 сыл үүнэр күнүн күннээх Грузияҕа көрсүбүт биир идэлээхпит, суруналыыс Ньургуйаана Егорова барыгытыгар үүммүт сылынан төлөннөөх «Гаумарджос!» ыытар. Кини биир нэдиэлэ устата Грузия баай устуоруйатын, култууратын кытта билсэн, ураты харыстанар сирдэрин көрөн, кырдьаҕас Тбилиси үтүөкэн дьонун-сэргэтин, кэрэ айылҕатыттан күүс-уох ылан кэллэ. Саҥа дойдуну арыйбыт үөрүүтүн Ньургуйаана бар дьонун кытта үллэстэр.

НОМОХХО КИИРБИТ САХА ТАЛЫЫ-ТАЛБА ДЬАХТАЛЛАРА ХАЙДАХ ЭТИЛЭРИЙ?

Саха омукка талыытынан-талбатынан, көстөр дьүһүнүнэн, майгытынан сахаҕа сэттэ улууска сураҕырбыт, аҕыс улууска аатырбыт дьахтар ахсааннаах. Кинилэр, төһө даҕаны хас эмэ үйэ анараа өттүгэр олорон аасталлар, кинилэр суон сурахтара, кэрэ дьүһүннэрэ күн бүгүҥҥэ диэри кэпсэнэр. Суоһалдьыйа Толбонноох, Сыыдам Сыҥалаабыт Болугур Айыыта, Күөх Кэтириинэ, Бэрт Маарыйа... Кинилэр кимнээҕий, кими таптаан, кимиэхэ таптатан дьолу уонна сору билбиттэрэй?  

«КЫЫМ» САҤА НҮӨМЭРИН ААҔААЧЧЫ  – САЙДЫЫЛААХ ОЛОҔУ УҺАНСААЧЧЫ!  

Тарҕат:

Санааҕын суруй

Бүтэһик сонуннар