Өрөспүүбүлүктээҕи суһал ыстаап киинэ иһитиннэрэринэн, оҕо уһуйааннара ураты бэлэмнээх буолуу эрэсиимигэр киирдилэр. Билигин хас биирдии иитээччи үлэтигэр киирэригэр, ыарыыны түргэнник быһаарар тиэһи ааһар. Бу туһунан, эрэгийиэннээҕи суһал ыстаап киинин салайааччытын солбуйааччы Ольга Балабкина брифинг биэриитигэр эттэ.
«Уһуйаан иитиллээччилэрин төрөппүттэрэ кыра да буоллар тымныйыы, тумуу бэлиэтэ көһүннэ даҕаны, оҕолорун уһуйааҥҥа аҕалыа суохтаахтар. Бөлөхтөргө күҥҥэ икки төгүл оҕо кыраадыһын бэрэбиэркэлииллэр», - диэн Ольга Балабкина иһитиннэрэр.
Өрөспүүбүлүкэ Ил Дарханын ыйааҕа этэринэн, «самоизоляция» 14 күнтэн 7 күҥҥэ диэри кыччыыр, оттон үлэһиттэри наймылааччылар кэллэктиип 50%-н тэйиччиттэн үлэҕэ ыытыахтаах.
Дьокуускайга бырааска суруттарыы уонна мэдиссиинэ биригээдэлэрин ыҥырыы ньымалара: «122» диэн нүөмэрдээх биир кэлим систиэмэ, «Облачная поликлиника» систиэмэ, "Медсеть" приложение нөҥүө уонна мэдиссиинэ тэрилтэлэригэр эрийэн ыҥырыахха сөп.
