Тохсунньу 21 күнүгэр, хамсык уустук балаһыанньатыттан сылтаан, эбии хааччахтар киирбиттэрэ.
Манна этиллибитинэн, хас бэнидиэнньик уонна оптуорунньук ахсын, атыы-эргиэн кииннэрэ, атыылыыр-аралдьытар кииннэр, атыы дьиэлэрэ, дьаарбаҥкалар, бородуукта маҕаһыыннара дезинфекцияҕа сабыллыахтаахтар.
Дьокуускай куорат дьаһалтатын пресс-сулууспата иһитиннэрэринэн, бу маны маны быһаарар анал гыраапык таҥыллыбыт.
Ол курдук, бэнидиэнньиккэ, сарсыарда 8 чаастан күнүс 13-кэ диэри, бырамыысаланнай табаардарынан эргинэр маҕаһыыннар ыраастанар-сууйуллар соруктаах сабыллыахтара. Манна эбии кууһунан уонна кууһунан-бытархай атыы, атыылыыр-аралдьытар кииннэр, атыы-эргиэн кииннэрэ, атыы дьиэлэрэ, дьаарбаҥкалар, ырыынактар, бырамыысаланнай табаары атыылыыр тэрилтэлэр уонна урбаан маҕаһыыннара сабыллыахтара.
Оптуорунньукка, сарсыарда 8 чаастан күнүс 13-кэ диэри, ас-үөл уонна эгэлгэ бөлөх табаардарын атыылыыр маҕаһыыннар ыраастанар-сууйуллар соруктаах сабыллыахтара.
Бу дьаһал аптыакалар үлэлэрин эрэ хаарыйбата. Куорат дьаһалтатыгар бэлиэтээн эппиттэринэн, дезинфекция миэрэлэрин анал дьаһал тахсыар диэри тутуһуохтара.