Ийэ тыл күнүгэр оҕолорго видео күрэһэ
«Ситим» медиа-бөлөх» Ийэ тыл күнүн көрсө @kyym.ru инстаграм ситиминэн «Мин сахабын!» диэн оҕолорго видео күрэһин тэрийэр.
ОҔОҔО уонна ВИДЕОҔА ИРДЭБИЛ:
- Кыттар оҕо сааһа 5-тэн 10-гар диэри буолуохтаах.
- Оҕону кытыннаран үчүгэй камералаах төлөпүөҥҥэ кылгас видео уһулан ыытаҕыт.
- Оҕо видеоҕа сүрүн дьоруой буолар.
- Оҕо саха буолар уратытын тугу эрэ гынан көрдөрүөхтээх, онтун сахалыы быһаарыахтаах.
- Видео ис хоһооно сэргэх буолуохтаах, оҕо саҥата чуолкайдык иһиллиэхтээх.
- Видео уһуна 5 мүнүүтэттэн уһуна суох буолуохтаах.
КЫАЙЫЫЛААХТАРЫ БЫҺААРЫЫ:
- Кыттааччылары дьүүллүүр сүбэ сыаналыа.
- Кыттааччы сааһа, саҥарар дьоҕура, туттара-хаптара, видео ис хоһооно, хаачыстыбата учуоттаныа.
- Кыайыылаахтар үчүгэй бириис, кыттааччылар туоһу сурук тутуохтара.
ВИДЕОЛАРЫ ЫЛЫЫ уонна ТҮМҮГҮ ТАҺААРЫЫ:
- Видеолары олунньу 10 күнүгэр диэри 8 (914) 820 09 75 нүөмэрдээх бассаап эбэтэр телеграм ситиминэн тутабыт.
- Оҕо толору аатын, олорор сирин, сааһын ыйаҕыт.
- Видеолары @кyym.ru инстаграм ситиммитигэр таһаарабыт.
- Күрэс түмүгүн Ийэ тыл күнүгэр олунньу 13-гэр биллэрэбит.
Тэрийэр сүбэ