Дойду университеттарын национальнай рейтиннэригэр М.К.Аммосов аатынан Хотугулуу Илиҥҥи федеральнай университет 5 үктэли дабайан, 28-с миэстэҕэ таҕыста. Маннык рейтини Интерфакс уонна “Эхо Москвы” радиостанция оҥороллор. Кинилэр араас аһаҕас источниктартан иһитиннэриилэр ылан сыымайдыыллар.
Университет стратегиялаах сайдыытын департаменыгар иһитиннэрбиттэринэн, университеттар үлэлэрин 6 сүрүн хайысханан сыаналаабыттар: үөрэхтээһин, чинчиэйр үлэ, социализация, интернационализация, бренд уоннаурбаан, инновация эйгэтигэр университет ыытар үлэтэ. Саамай үрдүк сыананы университет социализацияҕа ылбыт – 22 миэстэ. “Инновация уонна упбаан” хайысхатыгар 25-с миэстэлэммит.
Быйыл бу рейтиҥҥэ дойду 288 үрдүк үөрэхтэрин кыһалара киирбит, ол иһигэр 10 федеральнай университет, 29 национальнай чинчийэр университет.
