Чурапчы — Ытык-Күөл хайысханан ВОЛС сибээс лииньийэтин улахан аҥара тардыллыбыт. Бу туһунан “Эксперт” пресс-сулууспата иһитиннэрэр.
Үлэһиттэр бу күҥҥэ Чурапчы — 2 Харбала уонна Ытык-Күөл — Чөркөөх хайысханан оптоволокно хаабылын тардыбыттар. 1 Харбала уонна Боробул нэһилиэктэрин иһинэн ааһар хаабыл уһуна 60 км кэриҥэ буолбут. Онон үлэ улахан аҥара оҥоһуллубут.
Чурапчы — Ытык-Күөл хайысханан сөкүүндэҕэ 10 Гб кыаматалаах интэриниэт ситимэ бу саастан үлэлиирэ былааннанар. Билигин халлаан тымныйан үлэ тохтоон турар. Халлаан сылыйда да үлэ салҕаныахтаах. Онон бу хайысханан бары нэһилиэктэр олохтоохторо түргэн интэриниэккэ киирэр кыахтаналлар.
“Эксперт” хампаанньалар бөлөхтөрө — бу телекоммуникационнай холдинг, сибээс эбийиэктэрин тутуунан дьарыктанар. Горнайга, Мэҥэ-Хаҥаласка, Аммаҕа, Уус-Алдаҥҥа, Тааттаҕа, Томпоҕо, Чурапчыга уонна Дьокуускай куоракка 830 км тахса ВОЛС лииньитэйэ тардыбыт.
