ХИФУ Киин тутар хамыыһыйата кэтэхтэн үөрэнэргэ докумуоннары тутууну балаҕан ыйын 23 күнүгэр диэри уһатта. Бу туһунан университет пресс-сулууспата иһитиннэрэр.
Ол курдук, бакалавриат, специалитет уонна магистратура бырагырааматынан кэтэхтэн үөрэххэ ылыы балаҕан ыйын 23 күнүгэр диэри ыытыллыаҕа.
2018-2019 үөрэх дьылыгар М.К. Аммосов аатынан Хотугулуу-Илиҥҥи федеральнай университекка кэтэхтэн үөрэнэргэ уопсайа 1502 миэстэ көрүллүбүт.
Магистратураҕа 92 бүддьүөт уонна 263 төлөбүрдээх миэстэ көрүллүбүт. Оттон специалитекка уонна бакалавриатка уопсайа 309 бүддьүөт уонна 838 төлөбүрдээх миэстэ көрүллүбүт.
