Халлаан тымныйан, күн-дьыл туруга уларыйан, алтынньы 1 күнүттэн саҕалаан хотугу улуустарга – Аллайыахаҕа, Абыйга, Муомаҕа, Өймөкөөҥҥө, Булуҥҥа уонна Эдьигээҥҥэ кэмиэрчэскэйэ суох сыалга туһаныллар дьоҕус суудуналар, мотуордаах оҥочолор сырыылара номнуо тохтоото.
Ити кэннэ алтынньы 5 күнүттэн айан-сырыы Аллараа, Орто, Үөһээ Халымаларга, Мииринэйгэ, Сунтаарга, Ньурбаҕа, Үөһээ Бүлүүгэ, Бүлүүгэ уонна Нерюнгрига тохтуохтаах. Оттон бу ый онуһуттан – Алдаҥҥа, Уус Майдаҕа, Тааттаҕа, Уус Алдаҥҥа, Томпоҕо, Горнайга, Аммаҕа, Чурапчыга, Кэбээйигэ, Ленскэйгэ, Өлүөхүмэҕэ, Намҥа, Хаҥаласка, Мэҥэ Хаҥаласка, Дьокуускайга уонна Жатайга.
