Киир

Киир

Сэтинньи 21 күнүгэр Хотугу-Илиҥҥи федеральнай университекка Саха сирин бастакы бэрэсидьиэнэ Михаил Николаев көхтөөх  ыччаты кытта көрүстэ.

Манна өрөспүүбүлүкэ уонна университет араас уопсасытабаннай түмсүүлэриттэн 150 ыччат кыттыыны ылла. Бу туһунан университет пресс-сулууспата иһитиннэрэр.

Михаил Николаев "нэһилиэнньэ сайдыылаах буоларыгар олохтоммут менталитеттан" тэйиэххэ наада диэн бэлиэтээтэ.

“Норуот менталитетын уларыппакка эрэ кини сайдыытын хайдах да хааччыйар кыах суох. Өссө да инниктин бу киэҥ тиэмэни ырытыһыахпыт диэн эрэнэбин. Эһиэхэ сыалы-соругу чопчу туруоран үлэлииргитигэр, улахан үөрэхтээх, өй-санаа өттүнэн баай, үтүө майгылаах-сигилилээх буоларгытыгар баҕарабын. Оччоҕо саха норуота сайдыылаах буолуоҕа”,—диэн Михаил Ефимович баҕа санаатын эттэ.

Көрсүһүү түмүгүнэн «От менталитета выживания к менталитету развития» диэн тиэмэҕэ форсайт-сессия ыытарга этии киирдэ. Ону таһынан  “Университет уопсастыбаннай түмсүүлэрэ” диэн хамсааһыны тэрийэр туһунан эттилэр.

“Хас биирдии кыттааччы көрсүһүү тиэмэтинэн санаатын үллэһиннэ уонна этии киллэрдэ. Бу көрсүһүүнү норуот дьокутаата, ХИФУ устудьуоннарын идэлээх сойууһун бэрэссэдээтэлэ Александр Сусоев тэрийдэ», — диэн пресс-сулууспа сырдатар.

Тарҕат:

Санааҕын суруй

Бүтэһик сонуннар