Саха сиригэр “Олохтоох каадырдары – бырамыысалыннаска” бырагыраама үлэлиэҕиттэн 14,5 тыһ. киһи үлэҕэ киирбит. Бу туһунан пардламент истиилэрин кэмигэр бастакы зампред Алексей Стручков иһитиннэрдэ.
Алексей Стручков этэринэн, бу сыл бастакы аҥарыгар 3234 киһи, ол иһигэр 584 отутугар дылы саастаах ыччат, 1252 киһи баахта ньыматынан сезоннай үлэҕэ, 895 – тыа сирин олохтооҕо бырамыысалыннаска үлэлииргэ хабылыбыт. Билиҥҥитэ бу бырагыраамаҕа 23 хампаанньа хабыллар. Зампред кэпсииринэн, аны 2024 сылга диэри уопсайа 27,5 тыһ. киһини бырамыысалыннаска сыһыарар былааннаахтар. Маны таһынан, “Тыа сиригэр дьарыктаах буолуу” бырайыагы олоххо киллэрии салҕанан барар. Дьадайыыны бохсууга туһуламмыт дьарыктарга Ил Дархан экэниэмикэ сырьета суох секторыгар 10 тыһ. саҥа үлэ миэстэтин таһаарар соругу туруорбута. 2024 сылга диэри өрөспүүбүүлкэ сайдыытын тосхолоугар уопсай үлэтэ суоҕу 6,7 бырыһыаҥҥа диэри аччатар сорук турар.
