Госдуума үөрэххэ уонна билимҥэ идэтийбит кэмитиэтэ алын кылаас үөрэнээччилэрин итии аһынан хааччыйр туһунан сокуон барылын бастакы ааҕыыга ылынар туһунан мэктиэлээтэ. Сокуон ааһар түгэнигэр, 2020 сыл олунньу-кулун тутар ыйдарыгар үлэлээбитинэн барыаҕа. Бу туһунан “Российская газета” иһитиннэрэр.
“Сокуон барылыгар аан бастакытын оскуолалар алын кылаас үөрэнээччитин үөрэх кэмигэр булгуччу итии бүлүүдэннэн (итии чэйи аахсыбакка туран) хааччыйалларын ирдиир”, - диэн суруйаллар.
Госдуума бэрэссэдээтэлин солбуйааччы Ирина Яровая этэринэн, өскөтүн эрэгийиэннэр онуоха үптэрэ тиийбэт буоллаҕына, федеральнай бүддьүөттэн көмөнү ылыахтарын сөп. Сокуон барылын үп-экэниэмикэ этиитигэр бүддьүөккэ эбии 20 млрд солк. көрүллүөхтээх диэн этиллэр.
Сокуону бастакы ааҕыыга алтынньы 24 күнүгэр дьүүллэһиэхтэрэ.
