Сэтинньи 14 күнүгэр Уус Алдан улууһун Бороҕонугар сыл аайы ыытыллар “Идэһэ-2019” быыстапка-дьаармарка буолан ааста.
Быйылгы дьаармаркаҕа 16 нэһилиэктэн 26 биирдиилээн хаһаайыстыба, 22 урбаанньыт, түөрт бааһынай хаһаайыстыба уонна икки кэпэрэтиип кыттыыны ыллылар. Кинилэр эт, үүт, бурдук ас, чэй, мүөт, утах уонна тоҥ ас арааһын туруордулар. Ону таһынан, тыа хаһаайыстыбатын сүрүн кыһалҕаларын, инники былааннарын дьүүллэстилэр.
