Бу күҥҥэ 24 пуочта салаата өрөмүөннэммит, ол иһигэр Нерюнгри куоракка саҥа форматтаах пуочта үлэҕэ киирбит.
“Быйыл биһиги филиалбыт өрөмүөн үлэтин былаанын толору бүтэрдэ. Саҥа форматтаах модернизация – диэн, бу пуочта салаатын аныгы ирдэбиллэргэ эппиэттиир гына оҥоруу эрэ буолбакка, оҥоһуллар өҥөлөр технологияларын хат көрүү буолар. Пуочта салаалара социальнай суолталаах эбийиэктэр буолаллар. Ол иһин, дьон оҥоһуллар өҥөлөр хаачыстыбаларын астынара биһиэхэ улахан суолталаах”, – диэн Арассыыйа пуочтатын Саха сиринээҕи салаатын дириэктэрэ Петр Птицын кэпсиир.
Арассыыйа пуочтата “Доступная среда” судаарыстыбаннай бырагыраамма көхтөөх кыттааччыта буолар. 2016 сылтан 5000 тахса пуочта сибээһигэр доруобуйаларыгар хааччахтаах дьон холкутук сылдьалларыгар пандустар, брайля сириибинэн суруллубут иһитиннэриилэр оҥоһуллубуттар. Көрбөт дьон арыаллыыр ыттарын илдьэ киирэллэрэ көҥүллэнэр.
