Ленскэй улууһун Батамай нэһилиэгэр быйыл саҥа үүт уонна сыры оҥорор сыаҕы тутуохтара. Бу туһунан улуус дьаһалтатын пресс-сулууспата иһитиннэрэр.
Олунньу 3 күнүгэр улуус баһылыга Жумарт Абильманов Салды Күөл нэһилиэгин олохтоохторун иннигэр үлэтин-хамнаһын отчуоттаабыт. Онно кини улууска суос-соҕотох эт-үүт аһын оҥорон таһаарар “Батамайское” хаһаайыстыба сайдыытын туһунан сиһилии кэпсээбит. Былырыын хаһаайыстыба сайдыытыгар диэн улуус 31 мөл. солк. көрбүт. Ити үпкэ хотону өрөмүөннээбиттэр, үүт боруобатын тардыбыттар, саҥа тиэхиньикэни уонна тэрили атыыласпыттар. Абильманов этэринэн, быйыл хаһаайыстыбаҕа ТХМ лииньийэтинэн 100 племенной сүөһүнү аҕалыахтаахтар. Быйыл тохсунньу 1 күнүттэн ыанньыксыттар уонна сүөһү көрөөччүлэр хамнастара биллэ улааппыт, сотору кэминэн хачыгаардар хамнастара үрдүөхтээх.
