Дьокуускайга өссө эбии икки коронавируһу булар лаборатория арыллыаҕа. Бу туһунан Айсен Сергеевич күннэтэ буолар брифинин кэмигэр иһитиннэрдэ.
“Билигин биһиэхэ номнуо икки Роспотребнадзор хааччыйбыт лабораторията үлэлии турар. Онно наадалаах анаалыстары оҥороллор. Бүгүн 3-с №-дээх поликлиникаҕа өссө биир маннык лабораторияны үлэлэттибит. Оттон нэдиэлэ түмүктэниэр дылы төрдүс лабораторияны арыйыахпыт. Оччотугар өссө элбэх киһини хабан анаалыстыыр кыахтанабыт. Анаалыстары бараас эрэ ыыттаҕына туттараллар диэн тоһоҕолоон бэлиэтиэхпин баҕарабын”,- диэн Ил Дархан эттэ.
Санатар буоллахха, кэнники 14 күҥҥэ кыраныысса таһыгар сылдьыбыт дьон ханна баалларын туһунан Минздрав уонна Роспотребнадзор итии лииньийэтигэр 8-800-14-03, 8-800-100-00-04 нүөмэрдэргэ эрийэн биллэриэхтээхтэр.
