Айсен Николаев социальнай ситимнэринэн быһа эпииригэр тугу кэпсээтэ? Ол туһунанан саамай сүрүннэрин ааҕыҥ.
- Кэлэр бэнидиэнньиктэн ыла судаарыстыбаннай тэрилтэлэр үлэлиир буолуохтара. Ол иһигэр, нэһилиэнньэ дьарыктаах буолуутун киинэ.
- Хоруона хамсыгар сыһыаннаан:"эрдэттэн үөрүмэҥ-көтүмэҥ, балаһыанньа өссө да дириҥиир кутталлаахН", – диир. Онон бары биир сомоҕо буолан тутуһан, аны сайыны бу абааһы ыарыытын кыйдаан, кыайыылаах көрсүөххэйиҥ диэн ыҥырда.
- Куорат уонна бобуулаах Нерюнгри, Мииринэй, Жатай олохтоохторун даачаҕа тахсаллара хааччахтамматын эттэ, итиэннэ кини "Якутскэнергоҕа" даачалар уоттарын суһаллык холбуулларыгар сорудахтаабытын аҕынна.
- Муус устар 30 күнүгэр дылы атыы-эргиэн уонна дьону саататар кииннэр халҕаннара хатааһыннаах буолуохтарын туһунан өссө төүгүл тоһоҕолоон эттэ.
- Били Кытайтан сакаастаабыт харыстыыр мааскалара Кытайга таможняҕа кэлэн тохтообут эбит. Тоҕо эрэ кыраныыссаны туораталларыгар докумуону оҥоруу олус бытааннык барар эбит. Дьиҥэ, биэс күҥҥэ дылы аччаппыттарын үрдүнэн. Ол да буоллар, Айсен Сергеевич этэринэн, бастакы мааска баартыйата кэлэр нэдиэлэ бүтүөр дылы Саха сиригэр кэлиэҕэ. Онтон ордубут чааһа эмтиэклэринэн тарҕаныа үһү, оттон улахан аҥара, биллэн турар, балыыһалыранан, полиция үлэһиттэригэр эҥин тарҕаныаҕа (хамсыгы кытары быһаччы охсуһа сылдьар дьоҥҥо бастатан туран тиксиэҕэ).
- Массыына сууйар туочукалар үлэлэрин сөргүтэр туһунан кэпсэтии барбат. Баҕар сарсын көлө сапчааһын атыылыыр тэрилтэлэри көҥүллүөх курдуктар.
- Сааскы кус көҥүлүн туһунан быһаарыныыны бу ый бүтүөр дылы тиһэхтээхтик ылыныаҕа. Айсен Николаев хоруона хамсыга намтаан, булт кэмэ бобуллубатыгар эрэнэр.
- Ыарыыны аҕалбыт тойон Коробов туох да буруйа суох диир.
- Арыгы атыыта бобуллуутугар сыһыаннаан, Ил Дархан атыы бириэмэтин хааччахтыырга этиилэр бааллар диир.
- Халаан тула уустуктар бааллар диир. Быйыл хаар халыҥынан сибээстээн, балаһыанньа уустугуруох курдук.
- Коронавирус анаалыһын быраас анаабыт эрэ дьонугар оҥороллор.
- Дьокуускайтан киирии-тахсыы бобулла илик.
- Сардаана Авксеньтеваҕа куорат оптуобустарын уруккутун курдук айаннатарга сүбэлээбит. Ону мээр бэйэтэ быһаарыаҕа.
