Бэҕэһээ, муус устар 9 күнүгэр Саха сиригэр барыллаан 3 киһи коронавирустаабыта билиннэ.
Ол курдук, Ленскэйгэ биир киһиэхэ бастакы анаалыс коронавирустаах диэн көрдөрбүт. Бу Арменияттан сыдьааннаах, Ленскэйгэ олохсуйбут киһи соторутааҕыта Мииринэйгэ көтөн кэлбит уонна Ленскэйгэ дылы таксыынан кэлбит. Билигин кини алтыспыт дьонун булан обсерваторга угаллар, анаалыстары ылаллар. Ыалдьыбыт киһини суһаллык олохтоох балыыһа инфекционнай боксатыгар укпуттар.
Оттон Алдан улууһугар икки киһи анаалыһа барыллаан коронавирустаах диэн көрдөрбүт. Бу дьон эмиэ атын эрэгийиэгтэн кэлбиттэр. Анаалыстары Новосибирскайга бигэргэтэ ыыппыттар.
Бэҕэһээҥҥиттэн ыла Алдан уонна Ленскэй улууһугар толору изоляция эрэсиимэ биллэрилиннэ.
