Москубаҕа саҥа коронавирустан сылтаан өссө 10 киһи өлбүт. Бу туһунан өрөбүлгэ Москубатааҕы оперативнай штаб иһитиннэрдэ.
“Москубаҕа коронавирустаабыттара бигэргэммит уонна икки өттүттэн сэбиргэхтэппит уон ыарыһах өллө”, - диэн оперштаб суруйар.
Өлбүт дьон сааһа – 39-80. 39 саастаах киһи эрдэттэн хаанын баттааһына үрдүк эбит (гипертония).
“Өлбүт дьон бары аргыс ыарыылаах этилэр. Ордук сүрэх-тымыр ыарыылаахтар: кардиомиопатия, инфаркт түмгэ, атеросклероз”, - диэн этэллэр.
Бүтэһик дааннайдарынан, коронавирус пандемиятын кэмигэр аан дойдуга номнуо 1,7 мөл. киһи ыалдьыбыт, 110 тыһ. тахса киһи өлбүт. Арассыыйаҕа, федеральнай оперативнай штаб иһитиннэрэринэн, 15 770 киһи коронавирустааҕа бигэргэммит, 1291 киһи үтүөрбүт, 130 киһи өлбүт.
