Киир

Киир

Сарсыардааҥҥы брифиҥҥэ Ил Дархан Айсен Николаев хоруона-вируһугар өссө үс киһи анаалыһа бигэргэммитин туһунан иһитиннэрдэ.

Ол курдук Дьааҥы улууһуттан сылдьар билигин Дьокуускай куорат Марха бөһүөлэгэр олорор дьахтар анаалыһа бигэргэммит. Кини билигин балыыһаҕа сытар. Чугастык алтыспыт дьонуттан анаалыс ылаллар. Ону таһынан, Алдаҥҥа икки киһи ыалдьыбыта билиннэ. Бу бастаан ыалдьыбыт дьону кытта алтыспыт дьон. Биирэ ырыынак үлэһитин, иккиһэ Кисловодскайтан кэлбит дьахтар аймаҕа.

Ленскэйгэ биэс киһи бу ыарыыга уорбаланар. Кинилэр “Газпром” үлэһиттэрэ. Билигин Ленскэйгэ балыыһаҕа сыталлар. Анаалыстарын Дьокуускайга бэрэбиэркэлииллэр.

Инньэ гынан, билиҥҥи туругунан инфекционнай балыыһаларга  уопсайа 20 киһи эмтэнэ сытар: Алдаҥҥа – 9, Ленскэйгэ – 5, Дьокуускайга – 5 (олор истэригэр Горнай улууһун икки олохтооҕо), Бүлүүгэ – 1. 15 киһи үтүөрбүт, уопсайа 35 киһи ыалдьыбыт. 

Тарҕат:

Санааҕын суруй

Бүтэһик сонуннар