Арассыыйаҕа бүтэһик сууккаҕа COVID-19 ыарыыга 3388 киһи сутуллубута бигэргэннэ уонна 24 тыһ. 490 ыарыһахха тиийдэ. Бу туһунан коронаврус тарҕамматын бохсор федеральнай штаб иһитиннэрэр.
“Дойду 84 эрэгийиэнигэр коронавирус тарҕаныыта улаатар, уопсайа 24 490 түгэн бэлиэтэннэ. Билиҥҥитэ Алтаай өрөспүүбүлүкэтигэр эрэ инфекция бэлиэтэммэт”, - диэн штаб иһитиннэрэр.
Ааспыт сууккаҕа 292 киһи үтүөрэн тахсыбыт, уопсайа дойду үрдүнэн 1986 киһи үтүөрбүт. Суукка устата 28 киһи бу ыарыыттан өлбүт. Уопсайа Арассыыйаҕа коронавирустан сылтаан 198 киһи суорума суолламмыт.
