Киир

Киир

Бэрчээккилээх сырыттаххына атын киһиттэн коронавирус сыстыытын биллэ аччатар, ол эрээри смартфону туһанарга ыарыыга ылларыыны улаатыннарар эбит.

Онуоха ыарыы сыстар кутталын хайдах кыччатар туһунан Спутник араадьыйаҕа Доруобуйа харыстабылын министиэристибэтин иһинэн Уопсастыбаннай сэбиэт чилиэнэ Эрик Бровко кэпсээбит диэн “стопкронавирус.ру” официальнай саайта иһитиннэрэр.

COVID-19 ордук киһиэхэ салгынынан уонна киһи этин-сиинин таарыйыыттан уонна киһиэхэ сыстыыттан бэриллэр. Ол иһин уопсастыбаннай миэстэлэргэ бэрчээккилээх, мэдэссиинэ мааскалаах сылдьыҥ диэн сүбэлииллэр.

Мааскалаах-бэрчээккилээх эрэсиим, мэтээл икки өрүттээҕин курдук, өссө биир соһуччу кыһалҕаны күөртүүр эбит. Ол курдук, кирдээх илиилээх, бэрчээккилээх төлөппүөнү туттаххына коронавирус сыстыыта улаатар.

“Билиҥҥитэ төлөппүөнтэн коронавирус сыстыытын улаханнык чинчийэ иликтэр. Ыалдьыбыт дьону кытары чугастык алтыһыыттан сутуллумаары мааска кэтэбит, ити саамай сөп. Ол эрээри, билиҥҥи чинчийиилэр вирус дьоҥкуоҕа, хордуоҥкаҕа, тимиргэ балай эмэ өр сытар диэн чинчийиилэр дакаастаан тураллар. Ол иһин, төлөппүөнтэн вирус организмҥа киирбэтин курдук, наушниктары уонна гарнитураны туһанар ордук. Өскөтүн төлөппүөннээтэхтэринэ, бэрчээккэни устан баран, ыраас илиигинэн тастан иһиллэрин курдук (громкая связь) холбоон кэпсэтиҥ. Кирдээх илиигитинэн төлөппүөн сирэйин тыытымаҥ. Онно вирус баар буолуон сөп” , – диэн Эрик Бровко Спутник араадьыйатыгар биэрбит интервьютугар кэпсээбит.

Тарҕат:

Санааҕын суруй

Бүтэһик сонуннар