Киир

Киир

Саха сиригэр ааспыт суукка устатыгар 74 саҥа коронавирустаабыт киһи бигэргэннэ. Бу туһунан Айсен Николаев брифинг кэмигэр эттэ.

“Ааспыт суукка устата 74 COVID-19 ыарыһах бигэргэннэ. Бу ааспыт күннэрдээҕэр биллэ аҕыйах. 67 ыарыһах Дьокуускайга бигэргэннэ. Бу өрөбүллэргэ биллэриллибит хааччахтар кэнэҕэһин үчүгэй көрдөрүүнү биэриэхтэрэ диэн олус эрэнэбит. Алдаҥҥа - 4, Мииринэйгэ - 2, Намҥа - 1 ыарыһах бигэргэннэ”, - диэтэ Айсен Николаев.

Суука устатыгар өрөспүүбүлүкэҕэ коронавирустан 37 киһи үтүөрдэ, ыарыһахтар үтүөрэллэригэр үчүгэй динамика бэлиэтэнэр. Улуустарга балаһыанньа чуумпу соҕус диэн Ил Дархан тоһоҕолоото: “Ол эрээри, кэккэ улуустарга баахта бөһүөлэктэригэр элбэх ыарыһах баар Кинилэр кимнээхтэрэ биллэн, бары эмтэнэ сыталлар. Тыа улуустарыгар ордук Нам уонна Мэҥэ Хаҥалас улуустара долгутар, онно да ыарыыны кыайаыахпыт, хонтуруолга ылыахпыт дии саныыбын”, - диэтэ Айсен Сергеевич.

22 киһи ыарахан туруктаах сытар, 457 киһи туох да биллэр симтома суох. ыарыыны чэпчэкитик аһарынар. Кинилэр тастан эмтэнэллэр.Суукка устатыгар Саха сирин лабораториялара 2040 теһи оҥорбуттар, обсерватордарга 777 киһи сытар.

Хамсык кэмигэр уопсайа 2116 киһи ыалдьыбыт, 878 киһи үтүөрбүт, 8 киһи өлбүт.

Тарҕат:

Санааҕын суруй

Бүтэһик сонуннар