Өрөспүүбүлүкэҕэ эпидемиологическэй балаһыанньаны Роспотребнадзор Саха сиринээҕи управлениетын хотуна Маргарита Игнатьева билиһиннэрдэ.
-- Бу сарсыардааҥҥы туругунан, хамсык кэмигэр Саха сиригэр 19 улууска уонна Дьокуускайга уопсайа 2214 коронавирустаабыт киһи бигэргэннэ. Олортон 2 бырыһыана ыарыыны ыараханнык аһардаллар. Суукка устата эбии 98 киһи коронавирустаата, ол иһигэр 64 ыарыһах – Дьокуускайга, 22 – Мэҥэ Хаҥаласка, 5 киһи – Чурапчыга, Нерюнгрига, Өймөкөөҥҥө - иккилии, Мииринэйгэ. Намҥа, Хаҥаласка - биирдии ыарыһах бигэргэннэ. Хомойуох иһин, биир киһи суорума суолланна. Дьокуускайга сүрүннээн дьиэ кэргэҥҥэ сутуллаллар, бүтүн ыалынан ыалдьаллар. Мэҥэ Хаҥаласка биир саастаах дьахтар үбүлүөйүн кэнниттэн ыарыы эмискэ улаатта. Эбии түөрт тэрилтэҕэ 420 стационар куойкатын арыйдыбыт. "Самоизоляцияҕа" барбыт дьону кыраҕатык кэтээн көрөбүт. Уопсайа 2 тыһ. тахса боротокуол толорулунна, суукка 800-тэн тахса дьыала көрүлүннэ. Кинилэргэ сэрэтии уонна административнай ыстыраап көрүллэр. Дьиэҕитин хлордаан кичэйэн сууйуҥ, туох баар миэрэлэри тутуһуҥ диэн ыҥырабын.
