Күн бүгүн Мииринэй инфекционнай балыыһатыгар 63 киһи сытар. Олортон 18 киһи хоруона хамсыгынан ыалдьыбыттара Дьокуускайдааҕы иммунологическай лабораторияннан уонна Эпидемиология Киининэн бигэргэннэ.
Урут инфекционнай балыыһаҕа сүрүннээн баахта үлэһиттэрэ сытар эбит буоллахтарына, кэлин олохтоох дьон киирэрэ элбээтэ. Ити 63 киһиттэн аҥаардара – Мииринэй оройуонун олохтоохторо. Баахта үлэһиттэрэ Саха сирин ыстатыыстыкатыгар ахтыллыбаттар. Хомойуох иһин, хоруона хамсыгар биэс оҕо ылларда. Бу – куорат дьыссааттарын иитиллээччилэрэ. Мантан сылтаан дьыссааттар сабылыннылар.
Онон, мииринэйдэр өрөспүүбүлкэтээҕи оперативнай штаб иһитиннэриилэригэр ахтылларбыт үксээтэ. Итинэн сылтаан, Мииринэйгэ хааччахтааһын уонна мааска эрэсиимэ уһуур чинчилээх.
Үс «Газпром-Заполярье» тэрилтэ үлэһтэ биэс олохтооҕу , «Зарница» көстүүнэй үлэһиттэрин кытары харантыыҥҥа, сабыылаах эрэсиимҥэ олороллор. Көстүүнэй тула кыһыл лиэнтэ тардыллыбыт, биэс миэтэрэ ыраахха тэйиччи туттарга, сэрэтэр биллэрилэр тураллар.
Эмиэ ити курдук сабыллан, Аммосов, Тиихэнэп, Газовиктар, Ленин уулуссаларын дьиэлэрэ олороллор.
Станислав Алексеев, Мииринэй куората. МЦРБ саайтыттан хаартыска.
