Айсен Николаев брифинг кэмигэр сайыҥҥы сынньалаҥҥа улуустарга барар оҕолор булгуччу мэдэссиинэ кэтээн көрүүтүн ааһыахтаахтарын туһунан ыйааҕы таһаарбытын эттэ.
“Сайыҥҥы сынньалаҥҥа аймахтарыгар улууска барар оҕолор хайаан даҕаны улуустааҕы дьаһалтаҕа тыа сиригэр кэлбиттэрин туһунан биллэриэхтээхтэр уонна икки нэдиэлэтээҕи бэйэ изоляциятын булгуччу тутуһуохтаахтар”, — диэтэ Айсен Николаев. Кини этэринэн, оҕолор үксүн туох да биллэр симптома суох ыарыыны аһаралларынан, саастаах дьоҥҥо суоһууллар, кинилэр ыарыыга хаптарыахтарын сөп. Онон булгуччу куттал суоһаабатын инниттэн эрдэттэн дьаһаныах тустаахтар. “ОРВИ сибикитэ билиннэҕинэ, хайан да күүстээх миэрэни суһаллык ылыахтаахтар. Хас да улууска номнуо оҕолор ыалдьаллара элбээтэ”, — диир Ил Дархан. Саха сиригэр коронавирустаабыт киһи уопсай ахсааныттан 23% — оҕолор.
