Саха сиригэр суукка устата саҥа 97 коронавирустаабыт киһи бигэргэннэ. Бу туһунан өрөспүүбүлүкэтээҕи хоруона хамсыгын бохсор оперативнай штаб салайааччытын солбуйааччы, вице-премьер Ольга Балабкина иһитиннэрэр.
68 ыарыһах киин куораппытыгар бигэргэммит, 8 – Нам улууһугар , 6 ыарыһах — Мэҥэҕэ, 5 – Нерюнгри оройуонугар, 3 – Хаҥаласка, 2-лии киһи Алдаҥҥа, Тааттаҕа, Ленскэйгэ уонна биир киһи Уус Алдаҥҥа ыалдьыбыттара бигэргэммит. Уопсайа хамсык кэмигэр 3486 киһи коронавирустаабыт. Суукка устата 89 киһи үтүөрэн тахсыбыт, хамсык кэмигэр үтүөрбүт киһи ахсаана 2286 буолла.
-- Нерюнгри оройуонугар болҕомтону ууруохпутун наада. Онно дьиэ кэргэнтэн да, үлэҕэ да сылдьан ыалдьыбатах, ханна эрэ хаптарбыт дьоннор бааллар. Онно бастакы ырыһах хантан көстүбүтүн быһаара сатыыллар. Ыарыы көрдүгэнин суох оҥорорго дьаһалар ылыллаллар. Нерюнгри оройуонун баһылыга хаптарбыт, кинини кытары куруук сибээскэ баарбыт, билигин анаалыстарын кэтэһэбит. Покровскай куоракка ыарыы күүскэ трбут эбит буоллаҕына, билигин Мохсоҕоллооххо элбээн эрэр. Онно биир производственнай тэрилтэҕэ элбэх киһи сутуллубут. Мэҥэҕэ, Намҥа, Уус Алдаҥҥа каникулга тиийбит оҕолор ыарыыны тарҕата тураллар.
