Саха сиригэр ааспыт суукка устатыгар 46 киһи коронавирустаабыт, 71 киһи үтүөрбүт, 1 киһи суорума суолламмыт. Бу туһунан өрөспүүбүлүкэтээҕи хоруона хамсыгын бохсор суһал ыстаап иһитиннэрэр.
Дьокуускайга 37 саҥа коронавирустаабыт киһи бигэргэммит, биирдии ыарыһах — Абыйга, Ленскэйгэ, Нерюнгрига, Хаҥаласка, Өлөөҥҥө уонна Тааттаҕа, икки киһи Мэҥэ Хаҥаласка ыалдьыбыттара биллибит. Ыалдьыбыт дьон эмэтэнэллэр, алтыспыт дьонноро биллибит, кинилэри изоляцияҕа ыыппыттар. Уопсайа хамсык кэмигэр 4678 киһи коронавирустаабыт, олортон 3519 киһи (78,8%) киин куораппытыгар ыалдьыбыт.
Бэҕэһээ 71 киһи толору үтүөрэн тахсыбыт. Хомойуох иһин, биир киһи сырдык тыына быстыбыт.
Суукка устатыгар өрөспүүбүлүкэ лабораториялара 2849 коронавирус анаалыһын оҥорбуттар. Хамсык саҕаланыаҕыттан 238 229 тест оҥоһуллубут.
