Хоруона хамсыгын бохсор өрөспүүбүлүкэтээҕи суһал штаб иһитиннэрбитинэн, суукка устатыгар Саха сиригэр эбии 72 киһи ыалдьыбыта биллибит.
Дьокуускайга 35 киһи сутуллубут, Алдаҥҥа – 24, түөртүү ыарыһаҕы Ленскэй уонна Мииринэй оройуоннарыгар булбуттар, икки киһи Тааттаҕа итиэннэ Дьааҥыга, Чурапчыга уонна Нерюнгрига биирдии киһи ыалдьыбыттара бигэргэммит.
Суукка устатыгар 115 киһи үтүөрэн тахсыбыт. Хомойуох иһин, 2 киһи суорума суолламмыт. Күн устата өрөспүүбүлүкэ лабораториялара 2965 коронавирус анаалыһын оҥорбуттар. Уопсайа хамсык саҕаланыаҕыттан 261 684 анаалыс оҥоһуллубут.
Алдан оройуонугар Томмот куоракка психоневроологическэй диспансерга ыарыы көрдүгэннээбит. Онон ыстатыыстыкабыт эмиэ киртийээхтээтэ.