Ааспыт суукка устатыгар Саха сиригэр эбии 44 киһи коронавируска сутуллубута бигэргэннэ. Бу туһунан вице-премьер Ольга Балабкина брифинг кэмигэр иһитиннэрдэ.
Ол курдук, Дьокуускайга 35 киһи ыалдьыбыт, биэс киһи – Хаҥаласка, 2 – Ленскэйгэ, биирдии ыарыһах Дьааҥы уонна Нам улуустарыгар сыстыбыттар. Биир киһи өлбүт. Хамсык саҕаланыаҕыттан Саха сиригэр ыалдьыбыт киһи ахсаана бу күҥҥэ 5283 тэҥнэстэ.
