Саха сиригэр коронавирус булуллубатах нэһилиэктэригэр балаҕан ыйын 1 күнүгэр Бастакы чуораан олоҕурбут форматынан ыытыллыаҕа. Бу туһунан брифинг кэмигэр вице-премьер Ольга Балабкина иһитиннэрдэ.
Ольга Балабкина:
-- Бэҕэһээ Ил Дархан салайааччылаах мунньахха балаҕан ыйын 1 күнүн өрөспүүбүлүкэ хайдах ыытарын туһунан быһаардыбыт. Хамсык тарҕамматах нэһилиэктэргэ Бастакы чуораан олоҕурбут киэбинэн ыытыллыаҕа. Коронавирустаах нэһилиэнньэлээх пууннарга бырааһынньыктааҕы линейканы 1 уонна 11 кылаас үөрэнээччилэригэр тус-туһунан тэрийиҥ диэн сүбэлээтибит. Онуоха кылаастар бары санитарнай ирдэбили тутуһуохтаахтар. 11-с кылаастарга линейканы оскуолалар бэйэлэрэ быһааран тэрийиэхтэрэ. Сотору кэминэн бары оскуолаларга икки нэдиэлэ иһигэр хайаан да быраастар баар буолуохтаахтарын туһунан ирдэбили ыытыахпыт. Билигин өрөспүүбүлүкэҕэ тумууну утары быһыы кэллэ, ону ылыҥ диэн ыҥырабын.
