Вице-премьер Ольга Балабкина брифинг кэмигэр устудуьоннар хайдах үөрэниэхтэрин быһаарда.
Суукка устатагар өрөспүүбүлүкэҕэ эбии 44 киһи коронавирустаабыта биллибит. Ол курдук, Дьокуускайга - 20, Мииринэйгэ - 4, үстүү ыарыһах Алдаҥҥа, Нерюнгрига уонна Үөһээ Бүлүүгэ ыалдьыбыттар. Икилии ыарыһаҕы Горнай уонна Мэҥэ Хаҥалас улуустарыгар булбуттар. МАны таһынан, биирдиилээн Ньурба, Сунтаар, Өлөөн, Таатта, Уус Алдан, Хаҥалас уонна Ленскэй улуустарыгар ыалдьыбыттар. Хоруона хамыга кырыы нэһилиэктэргэ кытары тиийбит. Холобур, Нам Салбаҥыгар икки күн иһигэр улахан дьон бары сутуллубуттар. Өлөөн Дьилиндэтиттэн тарҕаммыт суругу суһал штаб билэр, балаһыанньа хонтуруолга ылыллыбыт.
Ольга Балабкина этэринэн, балаҕан ыйын 1 күнүн иннинэ бары түмсүүлээх буолуохтаахпыт, оскуола салайааччылара ыарыы тарҕамматын хааччыйыахтаахтар, оттон төрөппүттэр санитарнай ирдэбили умнуо суохтаахтар. Бастакы куурус устудьуоннара бары уруккутун курдук аудиторияҕа кэлэн үөрэниэхтэрэ, оттон атыттар - дистанционнай киэбинэн. Балаҕан ыйын устатыгар балаһыанньаны кэтээн көрүөхтэрэ. Уратыта диэн, устудьуоннар үөрэх кыһатыгар бары мааскалаах сылдьыахтаахтар.
Суукка устатыгар тест оҥоһуллубут. Икки киһи өлбүт. Билигин тумууттан утары быһыы ыытыллар.
