Эһиил “Демография” национальнай бырайыак чэрчитинэн Саха сирин улуустарыгар эбии уһуйаан дьиэлэрин туттахтарына уонна атыыластахтарына, тыһыынчаттан тахса саҥа миэстэ баар буолуоҕа. Ол туһунан СӨ Үөрэххэ министиэристибэтэ иһитиннэрэр.
“Демография” национальнай бырайыак көмөтүнэн 2021 сылга Аммаҕа, Алдаҥҥа, Намҥа, Өлүөхүмэҕэ, Тааттаҕа, Уус Алдаҥҥа уонна Дьокуускай куоракка барыта 8 саҥа уһуйаан тутуллуохтаах, уһуйаан буолар дьиэ атыылаһыллыахтаах”, -- диэн биэдэмистибэҕэ кэпсииллэр. Онно анаан федеральнай, өрөспүүбүлүкэ уонна улуустар бүддьүөттэриттэн 1,4 млрд солкуобайы тыырбыттар.
