Саха сиригэр ааспыт сууккаҕа эбии 191 киһи хоруона хамсыгар сутуллубута биллибит. Бу туһунан өрөспүүбүлүкэтээҕи хамсыгы бохсор суһал ыстаап иһитиннэрэр.
Ол курдук, Дьокуускайга 104 киһи ыалдьыбыт. Алдаҥҥа, Мэҥэ Хаҥаласка – 8-тыы, Бүлүүгэ – 7, Ньурбаҕа, Нерюнгрига уонна Өлүөхүмэҕэ – алталыы киһи сутуллубут. Нам, Ленскэй уонна Чурапчы улуустарыгар 5-тии киһи хаптарбыт. Сунтаар уонна Таатта улуустарыгар – 4-түү, Анаабыр, Дьааҥы, Горнай улуустарыгар – 3-түү, Аллайыаха, Булуҥ, Эдиээн, Өймөкөөн уонна Уус Алдан улуустарыгар – 2-лии киһи сутуллубут. Кэбээйи, Өлөөн, Усуйаана уонна Хаҥалас улуустарыгар биирдии киһи ыалдьыбыттара биллибит. Хомойуох иһин, суукка устатыгар 2 киһи суорума суолламмыт. Саха сирин лабораториялара 4265 анаалыһы чинчийбиттэр. Уопсайа хамсык саҕаланыаҕыттан 640165 тест оҥоһуллубут.
