Киир

Киир

Балаһыанньабыт күнтэн күн ыараатар ыараан иһэр. Сэтинньи 5 күнүнээҕи туругнан, өрөспүүбүлүкэҕэ эбии 199 киһи хоруона хамсыгар хаптарбыта биллибит. Бу туһунан хамсыгы бохсор суһал ыстаап иһитиннэрэр.

Киин куораппытыгар 114 киһи ыалдьыбыт. Алдан оройуонугар - 13, Бүлүү, Мэҥэ Хаҥалас, Мииринэй уонна Нерюнгри оройуоннарыгар - 7-лии киһи, Нам улууһугар- 6, Горнайга - 5, Кэбээйигэ, Чурапчыга - 4-түү, Аммаҕа, Анаабырга, Үөһээ Бүлүүгэ, Эдьигээҥҥэ, Уус Алдаҥҥа - 3-түү киһи сутуллубуттара биллибит. Ньурба, Өлүөхүмэ улуустаргыра иккилии, Ленскэй уона Томпо улуустарыгар биирдии киһи ыалдьыбыттара бигэргэммит. Хомойуох иһин, ааспыт суукка устатыгар 3 киһи суорума суолламмыт. Бүтэһик сууккаҕа 6480 коронавирус анаалыһа оҥоһуллубут.

СтопКоронавирусЯкутия саайт суруйарынан, хамсык саҕаланыаҕыттан Саха сиригэр уопсайа 14633 киһи хоруона хамсыгар хаптарбыт, 6234 киһи үтүөрбүт, 158 киһи өлбүт, 656814 анаалыс оҥоһуллубут.

Тарҕат:

Сэҥээриилэр

Инородец
0 Инородец 07.11.2020 05:35
Сатаан суруйбаккыт сахалыы! Тугуй ол, онтубут эмиэ СИТИҺИИ буолбута дуо? Ситиһии диэн үчүгэйи этиэххэ сөп. Добились диэн, холобур. Тиийэн эрэбит дэниллиэхтээх.
Ответить

Санааҕын суруй