Ааспыт суукка устатыгар Саха сиригэр эбии 219 киһи коронавирустаабыта бигэргэннэ, ол иһигэр 49 ыарыыны тарҕатааччы. Бу туһунан брифинг кэмигэр Ольга Балбакина иһитиннэрдэ.
“Дьокуускайга 118 киһи ыалдьыбыт, Өлүөхүмэ улууһугар – 11. Алдан уонна Сунтаар улуустарыгар – 9, Мэҥэ Хаҥаласка уонна Өймөкөөҥҥө – 8 киһи ыалдьыбыт. Ньурбаҕа – 7. 17 улууска 1-тэн 5-кэ дылы ыарыһахтары бигэргэттилэр. Хомойуох иһин, үс киһи суорума суолланна. Бүгүн Ил Дархан улуустааҕы штабтары кытары мунньахтаата. Онно кини миэстэтигэр аптекаларга эмп-томп баарын күүстээх хонтуруолга ылалларыгар сорудахтаата. Өскөтүн эһиги соҕотох олорор ыаллаах буоллаххытына, кини хаһан бүтэһигин тахса сылдьыбытын эҥин кэтээн көрө сылдьыҥ. Саастаах уонна соҕотох олорор дьон ыараханнык ыалдьаллара элбээн иһэр”, - диэтэ Ольга Балабкина.
Суукка устатыгар өрөспүүбүлүкэ лабораториялара 2 196 анаалыһы оҥорбуттар (уопсайа хамсык саҕаланыаҕыттан – 758596).
