“Бүлүү” федеральнай айан аартыгар 4 туоннаҕа дылы уйуктаах массыыналарга 3 өрүс суолугар сырыыны көҥүллээтилэр. Бу туһунан “Бүлүү” Упрдор пресс-сулууспата иһитиннэрэр.
“Бүлүү өрүһү туоруурга Үөһээ Бүлүү сэлиэнньэтин аннынан (660 км), Күндээдэ аннынан (807 км) уонна Устье аннынан (956 км) өрүһү туоруур суол 4 туоннаҕа дылы официальнайдык көҥүллэннэ”, - диэн иһитиннэриигэ этиллэр. Оттон 10 туоннаҕа дылы уйуктаах массыыналар сырыыларыгар көҥүлү быһа холоон ахсынньы 8 күнүгэр биэриэхтэрэ. Оттон Кириэстээх аннынан (1049 км) 4 туоннаҕа дылы сырыыны ахсынньы 4 күнүгэр арыйар былааннаахтар.
