100 тыһ. нэһилиэнньэҕэ хоруона хамсыгынан ыалдьыы көрдөрүүтүнэн Саха сирэ 21-с миэстэҕэ турар. Өскөтүн дойду үрдүнэн хоруона хамсыгар хаптарыы улаатыыта 1,1 бырыһыан эбит буоллаҕына, биһиэхэ лоп курдук 1 бырыһыан. Бүгүн 2759 куойка баарыттан 64 бырыһыана туолан турар.
Күн бүгүн 104 киһи реанимацияҕа сытар, 20 киһи туругун олус ыарахан диэн сыаналыыллар, кинилэр бары ИВЛ аппараатыгар холбонон сыталлар. Ордук ыарахан туруктах ыарыһах Дьокуускайга баар. Улуустары ыллахха, саамай ыархан балаһыанньа Алдаҥҥа – 14 киһи ыар туруктаах. Маны таһынан, маннык ыарыһах Бүлүү, Ленскэй, Горнай, Мэҥэ Хаҥалас, Мииринэй, Нам, Нерюнгри, Өлүөхүмэ, Таатта улуустарыгар сыталлар.
