Ааспыт өрөбүллэргэ мииринэйдэр Бүлүү улуустарын атыытыгар-тутуутугар сырыттылар.
Олохтоох эмис эти, үүтү-сүөгэйи, чохоону дьөрү амсайбакка, сүрдээҕин хараарҕаан, соҥуоран олоробут диэн суруйбутум.
Бүлүү бөлөх улуустарын тыатын хаһаайыстыбатын тэрилтэлэрэ, ааспыт өрөбүллэргэ, Мииринэй куораты “Юбилейнай” ырыынагар кэлэн, дэлэйдик атыылаан, сибиэһэй аска балай эмэ тигистибит.
Тыа улуустарын тэрээһиннээх хаһаайыстыбалара, олор истэригэр – Үөһээ-Бүлүү, Ньурба, Сунтаар тыа хаһаайыстыбатын бородууксуйатын оҥорооччулара “Юбилейнай” ырыынагар ынах, сылгы этин, хартатын, суораты, чөчөгөйү, сүөгэйи, чохоону, собону, атыыга дэлэччи тартылар.
Олус таһаарылаахтык Арыылаах агро-оскуолата, Уһун-Күөл фермердэрэ, Тойбохойдооҕу «Хочо» пиирмэ атыылаатылар.
Станислав Алексеев. Мииринэй куората.
